SACRA CONGREGATIO PRO DOCTRINA FIDEI

DECLARATIO
DE TUENDA SACRAMENTI PAENITENTIAE DIGNITATE*

Sacra Congregatio pro Doctrina Fidei, vigore specialis potestatis sibi a Suprema Ecclesiae Auctoritate tributae, decernendo declarat eos ab hac die incurrere in excommunicationem latae sententiae nemini reservatam, qui, cum contemptu Sacramenti Paenitentiae, sacramentales confessiones, veras aut fictas, quovis technico instrumento adhibito captant vel imprimunt vel hoc modo cognitas evulgant, necnon omnes, qui eidem rei formaliter cooperantur, firmo praescripto canonum 889, 890, 2369.

Datum Romae, ex aedibus S. Congregationis pro Doctrina Fidei die 23 mensis martii, a. D. 1973.

+ Fr. Hieronymus Hamer, O.P.,
a Secretis

* AAS 65 (1973), 678.