PONTIFICIA COMMISSIO BIBLICA

DE ORGANO OFFICIALI
COMMISSIONIS BIBLICAE

Quum de expressa voluntate SS. D. N. Pii PP. X Acta Apostolicae Sedis typis Vaticanis edita, sint unicum Commentarium officiale ad «Constitutiones pontificias, leges, decreta, aliaque tum Romanorum Pontificum tum sacrarum Congregationum et Officiorum scita legitime promulganda et evulganda»; Ecc.mi DD. Cardinales Commissioni pontificiae de Re Biblica addicti, in coetu 14 Februarii huius anni in aedibus Vaticanis habito, statuerunt ut praedicta Commissio ad actus suos publici iuris faciendos nullo alio deinceps promulgationis organo uteretur.

Romae, die 15 Februarii anno 1909.

Fulcranus Vigouroux, P.S.S.
Laurentius Janssens, O.S.B.
Consultores ab Actis.