VIAJE APOSTÓLICO A MÉXICO Y CURAÇAO

ACTO DE CONSAGRACIÓN A NUESTRA SEÑORA DE FÁTIMA

ORACIÓN DEL SANTO PADRE JUAN PABLO II

Domingo13 de mayo de 1990

Santisima Birgen Maria!

Como peregrino na e tera bendiciona di Antiyas y Aruba,
mi ta prosterna mi bo dilanti, pa pone di bo proteccion
tur yiu hombernan y yiu muhernan di e pueblo aki,
cu ta honrabo como nan Mama stima.

Bo dilanti, bo cu ta yen di gracia,
nos ta renoba e profesion di nos fe,
nos speranza firme den bo proteccion,
nos amor filial cu ta brota di nos curazon.

Pasobra bo ta Mama di Dios y nos Mama,
mi ta consagra na bo e comunidadnan di Iglesia
cu ta peregrina na Antiyas y Aruba,
haci pa semper nan conserba como un tesoro precioso
nan fe den Jesucristo, nan cariño pa bo,
nan fieldad na bo Iglesia.

Bendiciona su Obispo, sacerdotenan, religioso y religiosanan,
seminaristanan y tur apostelnan laico
pa semper nan sea testigo di unidad
y caridad fraternal.

Na un manera particular mi ta consagra na bo tur familianan,
pa nan por forma hogarnan Kristian
na unda nan ta respeta e bida cu ta nace,
na unda ta observa fieldad den matrimonio,
educacion integral di yiunan,
generosidad pa pobernan y esnan den necesidad;
pa nos tin un miho mundo mañan
cu mas familia Kristian.

Bendiciona tambe nos hobennan,
pa nan por haña den Cristo
e modelo di entrega na otro,
cu ta stimula nan pa compromete nan mas pa construi
un sociedad mas husto, fraterno y acogedor.

Sea e protectora amoroso di muchanan,
cu ta merece un mundo mas humano y pacifico,
di enfermonan, di pobernan, di presonan,
di esnan persigui, di huerfano,
di esnan desampara y moribundonan.

Mama di Iglesia!

Mi ta consagra na bo e pueblo di Antiyas y Aruba,
pa e keda uni perfectamente de fe y amor.
Bendicioné cu numeroso vocacionnan sacerdotal y religioso;
guía e pueblo aki na Jesus bo Yiu,
cu ta caminda, berdad y bida.

Yen di confianza mi ta pone den bo mannan e plegaria aki
pa e por yega serca Tata,
cu a stima bo y a scohe bo como primicia di un humanidad nobo;
pa medio di Dios Yiu, cu a nace di bo,
y den Spiritu Santo. Amen.